Стыпендыя Cмоліча - Фундатарам

Стыпендыя імя Аркадзя Смоліча

Падтрымайце будучых рухавікоў Беларусі

Ініцыятывы павінны заахвочвацца, а не падаўляцца

Стаць фундатарам

Падтрымаць данатам

Чаму гэта важна?

Справядлівая падтрымка найбольш актыўнай моладзі

Дзяржаўная падтрымка часта зводзіцца да падтрымкі актывістаў БРСМ ды іншых ідэалагічных інструментаў. Моладзь, якая сапраўды шчыра працуе і намагаецца нешта змяніць не ацэньваецца па заслугах. Стыпендыя Смоліча — справядлівая і незалежная падтрымка.

Карпаратыўная і сацыяльная адказнасць перад будучыняй

Беларуская студэнцтва — гэта будучыня нашай краіны, тыя, хто ўжо заўтра будуць прамаць рашэнні, выхоўваць тут дзяцей, будаваць сваё жыццё. І дзеля лепшай будучыні варта зараз падтрымліваць найбольш актыўных і ініцыятыўных людзей.

Салідарнасць не на словах, а на справе!

Стыпендыя Смоліча — рэальная магчымасць падтрымаць добрую ініцыятыву не на словах, а на справе! Падтрымаць можна як мінімальным данатам, так і паўнавартасным удзелам у якасці фундатара.

СТЫПЕНДЫЯ Ў ЛІЧБАХ

У 2015-2018 гадах:

154

Атрымана заявак

7390 BYN

Стыпендыяльны Фонд

Агульная колькасць фундатараў

Агульная колькасць стыпендыятаў

Як стаць фундатарам?

Фундатар — гэта асоба ці арганізацыя, якія ўнеслі ў Стыпендыяльны фонд ад 100 рублёў і маюць права ўдзелу ў фінальным галасаванні

-1-

Пакіньце свае кантакты

Запоўніце форму ніжэй, каб апавясціць нас пра свой намер стаць фундатарам Стыпендыі Смоліча.

-2-

Унясіце ад
100 рублёў

Перашліце тую суму, якую вы жадаеце выдзеліць на Стыпендыю праз наш сайт ці ўжывую праз нашага прадстаўніка.

-3-

Удзельнічайце ў адборы

Атрымайце запрашэнне на фінал разам з інструкцыяй і спісам іншых фундатараў, дзе вы разам вырашыце, хто стане Стыпендыятам гэтага года.

Запоўніце форму, і мы звяжамся з вамі на працягу 24 гадзін:

Як зрабіць данат?

1. Перайдзіце на molamola.by

Мы выкарыстоўваем беларускую краўндфандынг-пляцоўку molamola для атрымання данатаў

2. Увядзіце суму, свой e-mail і націсніце кнопку "Падтрымаць"

Увага! камісія на molamola фіксаваная, таму чым большую суму вы дасылаеце - тым меншы адсотак бярэ сэрвіс

3. Увядзіце дадзеныя банкаўскай карткі

Увядзіце дадзеныя і скончыце аперацыю па інструкцыі

Зрабіць данат

Фундатары 2020:

Арганізацыі-фундатары:

Асобы-фундатары:

Кірыл Атаманчык

Грамадскі актывіст

Паўлюк Быкоўскі

Журналіст

Наталля Рабава

Бізнэс-трэнер, мецэнант

Алесь Міхалевіч

Кандыдат у Прэзідэнты (2010)

Зміцер Гаменюк

Аснавальнік Цэнтра развіцця студэнцкіх ініцыятываў (2011), мецэнант

Алена Анісім

дэпутатка Палаты Прадстаўнікоў
XVI склікання

Запрошаныя ганаровыя журы:

Уладзімір Арлоў

Гісторык, пісьменнік, паэт

Аркадзь Смоліч — герой маёй кнігі "Імёны Свабоды". Для мяне Смоліч — ня толькі таленавіты навуковец, але і ідэоляг беларускай сацыял-дэмакратыі, адзін з "бацькоў" БНР, міністар асьветы ў яе першым урадзе. Думаю, што прыемна і адказна атрымаць прэмію імя такога міністра. Спадзяюся, што яе ляўрэаты таксама будуць ідэолягамі беларускіх незалежніцкіх партый і міністрамі будучай дэмакратычнай эўрапейскай Беларусі.

Лявон Вольскі

Музыка, літаратар

Я раю падтрымаць Стыпендыю імя А.Смоліча, бо для Беларусі істотна атрымаць новае пакаленне, новую генерацыю, людзей, неабыякавых да лёсу сваёй Радзімы, людзей, якія дбаюць пра будучыню гэтай Радзімы.

Віталь Гуркоў

Музыка, чымпіён свету па тайскім боксе

Я падтрымліваю Стыпендыю імя Аркадзя Смоліча таму, што лічу гэта выбітнай сацыяльнай з'явай, якая накіравана на тое, каб зрабіць культурнае і грамадскае жыццё Беларусі значна лепей, чым яно ёсць.

Святлана Калінкіна

Журналістка

Я падтрымліваю Стыпендыю, бо веру, што Беларусь можа займаць першыя месцы не толькі па самагубствах, алкагалізме і колькасці зняволеных, але і па колькасці Нобелеўскіх лаурэатаў. Я веру ў розум і талент нашай нацыі і нашай моладзі.

Міхаіл Халезін

Сцэнарыст і мастацкі кіраўнік "Свабоднага тэатра"

У такога кшталту праектах ёсць тое, што аб'ядноўвае людзей у краіне: узаемапавага, клопат аб будучыні ды імкненне да пазітыўных зменаў у будучыні.

Павал Белавус

Грамадскі актывіст, культурны мэнэджар,
дырэктар ТАА "Сымбаль Бай"

Самае лепшае ўкладанне ў будучыню Беларусі – гэта ўкладанне ў людзей, іх адукацыю і матывацыю жыць ды працаваць на карысць сваёй краіны і яе грамадства. Спадзяюся, што для атрымальнікаў гэтай стыпендыі, яна стане дадатковым матыватарам працягваць сваю справу.

Антон Матолька

Грамадскі актывіст, фатограф